kadee suraksha ke beech aaj se shuroo huee intarameediet kee pareeksha ke pahalee hee paalee ke prashnapatr leek hone kee khabar bas aphavaah nikalee . pareeksha samiti ke adhyaksh ne kaarravaee karane kee baat kahee hai. patana [jaagaran teem]. bihaar vidyaalay pareeksha samiti kee pareeksha ka aaj pahala din tha, pahale hee din pahalee hee paalee kee pareeksha shuroo hote hee jeev vigyaan vishay ke prashnapatr ke leek hone kee aphavaah se aphara-tapharee machee huee thee, lekin yah aphavaah bilkul galat nikalee, jab pareeksha khatm huee to vaayaral pepar ka jhoouth sabake saamane aa gaya. pareeksha ke pahale din pahalee paalee mein sains ke baayolojee aur aaeekom ke entaraprenyoraship ka pepar kee pareeksha mein jeev vigyaan ke prashnapatr ke leek hone kee baat pata chalee lekin pareeksha khatm hone ke baad jab leek prashnapatr aur orijinal prashnapatr ka milaan kiya gaya to usamen kisee tarah kee saamyata nahin paee gaee. pareeksha shuroo hone ke kuchh hee der baad vaatsep par jeev vigyaan ke prashnapatr kee tasveeren vaayaral hone lageen. prashn patr ko dekh kar lag raha hai ki yah pareeksha mein poochhe jaane vaale prashn hee hain lekin isakee pramaanikata kee jab jaanch kee gaee to donon prashnapatr bilkul hee alag pae gae. doosaree paalee mein kala sankaay ke philosophee aur vokeshanal kors ke vidyaarthiyon kee raashtrabhaasha hindee ka pepar hai. sachiv ne kaha- hogee jaanch jaanch ke baad pareeksha samiti ke adhyaksh aanand kishor ne kaha hai ki is maamale mein praathamikee darj hogee aur eesee aphavaah phailaane vaalon par sakht kaarravaee kee jaegee. prashn patr leek kee aphavaah phailaane vaalon par pulis karegee kaarravaee. shikshaamantree ne kaha-nahin hua leek shiksha mantree ashok chaudharee ne pahale hee kaha tha ki bihaar intar pareeksha pepar leek nahin hua hai yah bas aphavaah hai. pareeksha shuroo hone ke baad vhaatsap par kisee ne daala hoga. pablik domen mein aane ke baad leek ka koee maamala nahin banata. kadee nigaraanee mein ho rahee hai pareeksha intarameediet pareeksha ke dauraan kendr mein koee bhee pulis aur prashaasanik padaadhikaaree mobail lekar nahin jaega. pareekshaarthiyon ko mobail, bloo tooth, kailakuletar ya any ilektronik divais lekar pravesh kee ijaajat nahin hai. pareeksha samiti ke adhyaksh ne kaha tha- kee gaee hai pukhta vyavastha pareeksha samiti ke adhyaksh aanand kishor ne somavaar ko is baat kee jaanakaaree dee. unhonne bataaya ki kendron ke pravesh dvaar par seesee kaimara aur veediyo rikaarding kee vyavastha kee gaee hai. pareeksha samiti ka helpalain nambar 24 ghante chaaloo rahega. pratyek veekshak ke lie 25 pareekshaarthiyon kee jaanch kar pramaanapatr dena anivaary kar diya gaya hai. dandaadhikaariyon ke lie pareeksha kendr mein logabuk par intree karana anivaary kar diya gaya hai. pareeksha subah se raajy ke 1275 kendron par praarambh hogee. 12.61 laakh chhaatr-chhaatraen shaamil honge. bord ne kadaachaaramukt pareeksha ke lie pukhta intajaam kie hain.
0 comments
Post a Comment